business plan for small business someone to type my research paper for me social responsibility term paper where to buy research paper online uncw mfa creative writing dissertation of martin luther king dissertation conscience terminale
  • Yvirlit
  • Prenta
  • RSS hald
Tú ert her:

Fiskayvirlit

 
Bente Olesen Nystrøm teknaði.

Brislingur (sildaættin)
Sprattus sprattus (Linné, 1758)

Stødd: Brislingur verður neyvan størri enn 16 cm. Vanlig longd er 7-12 cm.

Dýpi: Brislingur er uppsjóvarfiskur, ofta inni við land.

Litur: Hann er dimmgrøn-bláur á bakinum. Silvurblankur um síðurnar og undir búkinum.

Teinar: R 13-21; G 12-23; U 16-17; B 7; Ry 46-50;

Lýsing: Hann hevur eina ryggfjøður mitt á bakinum. Eina gotfjøður, ið er aftur móti klingruni. Búkfjaðrarnar eru undir ella beint frammanvert fremra kant á ryggfjøðurini. Hann hevur umleið 50 roðslur mitt aftur eftir síðuni.

Eyðkenni: Hann líkist sild. Búkfjaðrarnar hava 7 (sjáldan 8) teinar, sildin hevur 9. Hann hevur hvast kjalarskrubb, sum hakar í, tá strokið verður frameftir.

Týdningur: Brislingur hevur nakað av týdningi í fiskiskapinum, eisini í Føroyum.

da. Brisling, en; Sprat, fr: Esprot, ís: Brislingur, no: Brisling, tý: Sprott

Útbreiðsla: Brislingur er undir Føroyum, m.a. á Skálafirði, í Sundalagnum, á Trongisvágsfirði og Vágsfirði. Er annars í Eystarasalti, í donskum sjógvi, við Miðnoreg, í Norðsjónum og runt Bretsku Oyggjarnar til Marokko. Er eisini í Miðjarðarhavinum og Svartahavinum.

Mouritsen, Rógvi: Fiskar undir Føroyum. Føroya Skúlabókagrunnur og Fiskirannsóknarstovan. Tórshavn. 2007.

Sildafiskar Clupeiformes

Hópurin hevur 5 ættir við 84 slektum og 364 sløgum.

Av hesum er undir Føroyum bert tann eina ættin, við 3 slektum og 4 sløgum:

  • Sildaættin (Clupeidae)

Sildafiskarnir eru smáir til miðalstórir fiskar. Teir hava stóra leysa roðslu, langar táknabogar, eina ryggfjøður, eina gotfjøður, og teir hava ikki fitifjøður.

Teir eru uppsjóvarfiskar, nøkur sløg ganga í torvum. Meginparturin av sildafiskunum livir í sjónum, men nøkur sløg eru anadrom og nøkur eru í feskvatni.

 
 
Nám Hoyvíksvegi 72 Tórshavn Tel. + 298 755150 snar@(if you can see this please update your browser)snar.fo © Nám 2020