Kristnikunnleiki og átrúnaður

Fakligir førleikar - 10. flokkur

Næmingurin dugir:

• at greina og viðgera útvaldar bíbliutekstir úr evnislýsandi sjónarhorni, t.d. ein av profetunum, skaldsligan tekst, orðtøkini, eitt av brøvum Paulusar ella annan sjálvvaldan, bíbilskan tekst.
• at viðgera og meta um ymisk týðandi siðfrøðilig evni.
• at lýsa og viðgera skapanarverkið, vistfrøði og burðardygt umhvørvi bæði lokalt og globalt úr átrúnaðarligum og siðfrøðiligum sjónarhorni.
• at viðgera og meta um tøkniliga menning og avbjóðing sæð úr átrúnaðarligum og siðfrøðiligum sjónarhorni.
• at lýsa heimliga og altjóða átrúnaðarliga list og viðgera tann týdning, hon hevur fyri tað umhvørvið, hon er í, t.d. bygningar, myndlist, prýðislutir, tónleik, mynstur o.a.
• at kanna og viðgera leiklutin, kristni átrúnaðurin hevur í onkrum landi uttan fyri Evropa, t.d. hjálpararbeiði ella tvørkirkjuligt virksemi.
• at greina og viðgera tann týdning átrúnaður hevur í nútíðar mentan og samfelagslívi
• at kanna, greina og viðgera, hvat rørir seg á átrúnaðarliga økinum í teimum ymsu miðlunum.
• at greina og viðgera ymisk átrúnaðarlig sjónarmið og greiða frá, hvørjar grundgevingar ymsu partarnir hava.
• at lýsa og viðgera spurningar, sum koma upp, tá ið ymiskir átrúnaðir, ymiskar mentanir og samfeløg møtast