• Yvirlit
  • Prenta
  • RSS hald
Tú ert her:
  • Kunning

Kristni til sjeynda

08.05.2011
Á fyrsta sinni verður ein grundbók gjørd til sjeynda flokk í kristni.

Bókin kemur út í juni í ár og høvundar eru Charlotta Thorsteinsson og Paulina Andreasen. Tær hava báðar undirvíst í kristni í skúlanum við Ósánna og hava fyrr gjørt tilfar til somu lærugrein.

Nýggja kristnibókin byggir á námsætlanina í kristni og er viðgjørd av gudfrøðingi og lærarum. Til heildina er næmingabók, lærarabók og uppgávur á www.snar.fo. Lærarabókin verður greið til skúlaársbyrjan 2011/2012 og síðan á snar nakað seinni.

Kristnibókin til sjeynda flokk er partur av heildarætlan, har nýtt tilfar skal fáast til øll stig í hesi lærugrein.

Kristni  7 viðger kristnu skriftirnar við einum søguligum baksýni. Greitt verður frá, hvussu kristindómurin breiddi seg um lond til og við trúbótina. Sum nakað nýtt verður fremmandur átrúnaður viðgjørdur í 7. flokki. Høvundarnir hava valt at taka jødadóm og islam við í hesa bókina.

(Á myndini eru høvundarnir Paulina Andreasen og Charlotta Thorsteinsson framman fyri ørkum úr komandi bókini)

|
 
Nám Hoyvíksvegi 72 Tórshavn Tel. + 298 755150 snar@(if you can see this please update your browser)snar.fo © Nám 2021