Snar.fo: Kunning: Skúlar kunnu nú brúka Mingoville

Tú ert her:

Kunning

Skúlar kunnu nú brúka Mingoville

11.09.2009

Til tykkum, sum enn ikki kenna Mingoville, so er tað ein læruheimur á netinum til børn, har tað er stuttligt at læra enskt. Mingoville er ein heilur heimur av flamingofigurum, og meðan vit ferðast í býnum hoyra vit enska talu, vit sleppa at tosa enskt, loysa uppgávur, spæla og syngja. Her á Snar er slóð til Mingoville, og beinleiðis tilskrift er www.mingoville.com .

Í komandi viku verður brúkarnavn og loyniorð til Mingoville sent øllum skúlum.

Hetta er eitt administrator loyniorð, og við hesum ber til hjá skúlunum at skráseta lærarar og næmingar, sum ynskja at brúka Mingoville. Tá administrator hevur skrásett lærarar og flokkar, kann hvør lærari stovna næmingar og knýta teir til flokkin. Vit mæla skúlunum til at brúka brúkaranavnið og loyniorðið til FirstClass. Ætlanin er í framtíðini at brúka felags logg-in til tænastur til skúlaverkið, men enn er tøknin tíverri ikki klár til endamálið.

Tað er skjótari hjá Snartoyminum at fáa samband við skúlan, um lærari á skúlanum (telduvørður ella umboð fyri lærugreina enskt) sendir teldupost til wenche.andreassen@skulin.fo . Vit vegleiða um ivamál og trupulleikar eru.

Her á Snar er slóð til Mingoville, og beinleiðis tilskrift er www.mingoville.com .

Wenche Andreassen, ritstjóri á Snar